Сырдың саңлақ спортшысы
Ai-news.kz. Кабира Асқарова – пауэрлифтингтен Қазақстан Республика халықаралық дәрежедегі спорт шебері. Ол – мүмкіндігі шектеулі спортшылар арасында пауэрлифтингтен бірнеше дүркін Қазақстан чемпионы, Халықаралық турнирдің бірнеше мәрте, Паралимпиадалық Азия ойындарының қола, Параазия чемпионатының күміс және Әлем кубогының күміс жүлдегері.
Осынша олжа салу үшін ол ерік-жігерін қайрап, қаншама тер төкті. Он екі мүшесі сау адамның өзі бағындыра алмаған асу үшін қайсар қыз намысын жанып, жалын атқан жүрегіне сенім ұялатып, жеңіске деген жігерін сарқа жұмсады. Міне, мықтылық!
Кабира жастарды жалқаулықтан арылып, намысқа тырысып, ел абыройын асқақтатуға аянбай еңбектену керек дейді. Айтса айтқандай, қара күш иесінің ісінен, ірілігінен өскелең ұрпақ үлгі алып, биік белестерді бағындыруға бекем байлам жасағаны керек. Сонда ғана спорттың серпілісі арта бастайды.
Бүгінде Кабира Кеңесбекқызы спорт саласында 20 жылдық тәжірибесі бар саңлақтың бірі. Қазір ол Қызылорда қалалық дене тәрбиесі, спорт және туризм бөліміне қарасты Қажымұқан Мұңайтпасұлы атындағы спорт клубында мүмкіндігі шектеулі жандарға пара-пауэрлифтингтен бапкер. Білікті бапкер жастардың спортты сүюін насихаттап, ел намысын қорғауға үйретіп келеді. Оның әрбір әрекеті елдікке шақырады, ерлікке үндейді.
Мемлекет басшысы Жолдауда баршаңызға мәлім, мен бұқаралық спортты дамытуға ерекше мән беріп отыр. Жастарымыз дені сау, мықты азамат болып өсуі керек. Сондықтан ұлт саулығын сақтау үшін бұқаралық спорттың маңызы айрықша. Жақында мен Олимпиадаға қатысушылармен кездестім, спорттағы нақты міндеттер мен басымдықтарға тоқталдым.
Шын мәнінде, бұл саладағы заңнаманы жаңартатын кез келді деп ойлаймын. Заңға енгізілетін өзгертулер бұқаралық спорт пен балалар спортын дамытуға зор серпін береді. Сондай-ақ болашақ жеңімпаздар шоғырын даярлауға жол ашады. Депутаттар осы маңызды заң жобасына айрықша мән бергені жөн деп санаймын.
Келесі мәселе. Әлеуметтік тұрғыдан осал азаматтарға қолдау көрсету – өте маңызды міндет. Сондықтан мемлекет әлеуметтік шығыстарды біртіндеп ұлғайтып жатыр. Қазір бюджеттің жартысынан көбі әлеуметтік салаға жұмсалады.
