Қазақстан Республикасының индустриялық-инновациялық дамуы көрсеткіштері жинағын жариялады
Ai-news.kz. Бүгін ҚР Ұлттық статистика бюросы 2025 жылдың қаңтар–маусым айларындағы Қазақстан Республикасының индустриялық-инновациялық дамуы көрсеткіштері жинағын жариялады.
Tengenomika жарияланған деректер негізінде Қазақстан өңірлерінің индустриялық-инновациялық даму индексінің алғашқы жиынтық нұсқасын әзірледі.
Индекс мына көрсеткіштерді ескереді:
▫️ Өңдеу өнеркәсібіндегі жалпы қосылған құнның нақты көлем индексі (НҚИ);
▫️ Еңбек өнімділігінің өсуі;
▫️ Орта және жоғары технологиялық күрделіліктегі тауарлардың өңдеу өнеркәсібі экспорты құрылымындағы үлесі;
▫️ Өңдеу өнеркәсібіне негізгі капиталға салынған инвестициялардың НҚИ.
▪️ Индекстің көшбасшылары – бұл өсуі тек шикізат өндіруге немесе көлем арттыруға емес, инвестицияға, технологиялық экспортқа және еңбек өнімділігін арттыруға негізделген өңірлер.
▪️ Аутсайдер өңірлер – шикізат секторына көбірек тәуелді және күрделірек индустриялық модельге көшу белгілері аз өңірлер (©Tengenomika).
