М.Шоқай көшесінде жол қозғалысы уақытша тоқтатылады
Ai-news.kz. Құрметті қала тұрғындары мен қонақтары, 2025 жылғы 15 қыркүйектен бастап М.Шоқай көшесінің А.Айдосов көшесінен С.Бейбарыс даңғылына дейінгі аралығында жол жөндеу жұмыстары басталады. Осыған байланысты көрсетілген бөлікте көлік қозғалысы уақытша шектелетін болады.
Аталған көше – қаладағы негізгі қозғалыс бағыттарының бірі. Сондықтан жолдың уақытша жабылуы көлік ағынына әсер етпек. Қала әкімдігі тұрғындар мен жүргізушілерден түсіністік танытып, жөндеу кезеңінде балама бағыттарды пайдалануды сұрайды. Жол полициясы мен коммуналдық сала мамандары қозғалыстың қауіпсіз әрі реттелген болуын қамтамасыз етеді.
Бұл шара қаланың көлік инфрақұрылымын жаңғырту, сапалы әрі қауіпсіз жолдар санын арттыру мақсатында қолға алынды. Жөндеу жұмыстары аяқталған соң аталған учаске тұрғындар мен жүргізушілер үшін барынша қолайлы әрі ыңғайлы болмақ.
Қала әкімдігі жол қозғалысына енгізілген өзгерістерге байланысты туындайтын уақытша қолайсыздықтар үшін алдын ала кешірім сұрап, тұрғындардың түсіністікпен қарауына үміт артады.
