Қала әкімі Нұржан Ахатов майталман азаматтарға алғыс жеткізді

Ai-news.kz. Бүгін А.Тоқмағамбетов атындағы мәдениет үйінде «Еңбек мерейі – ел құрметі» тақырыбында мерекелік кеш өтті. Бұл шарада түрлі сала қызметкерлерін марапаттау рәсімі ұйымдастырылып, еңбекке адал қызмет етіп жүрген азаматтар салтанатты мінберге шақырылды. Кешке қала әкімі Нұржан Ахатов, қалалық мәслихат төрағасы Ибадулла Құттықожаев және зиялы қауым өкілдері қатысты.

Салтанатты шарада сөз алған қала әкімі Нұржан Сәбитұлы Мемлекет басшысының Қызылорда облысына жасаған жұмыс сапарындағы іс-шараларды жоғары деңгейде ұйымдастыруға және «Таза Қазақстан» республикалық экологиялық акциясына белсенді атсалысқан азаматтарға облыс әкімі Нұрлыбек Нәлібаевтың алғысын жеткізді. «Өткен аптада Мемлекет басшысы Қасым-Жомарт Кемелұлы өңірімізге жұмыс сапарымен келіп, ел игілігіне бағытталған ірі инвестициялық, инфрақұрылымдық және өндірістік жобалардың жүзеге асырылу барысымен танысты. Ел Президенті облыс әкімі Нұрлыбек Машбекұлының аймақтың әлеуметтік-экономикалық дамуы мен мәдени-рухани өрлеуіне атқарып жатқан қажырлы қызметіне жоғары бағасын берді. Сондай-ақ, Сыр өңірінің жарқын болашағына сенім білдіріп, қолдау көрсетті», – деді шаһар басшысы.

Өз кезегінде аймақ басшысы да Қызылорда облысының өсіп-өркендеуіне, халық әл-ауқатының артуына атсалысқан, ортақ іске жұмыла білген азаматтарды лайықты бағалауды жөн көрді. «Бұл – еңбекке деген мәртебелі құрмет. Бүгінгі арнайы шарада Сіздерге облыстың ең жоғары марапаты – «Құрмет грамоталары» мен алғыс хаттар табыс етіледі», – деді Нұржан Сәбитұлы.

Салтанатты кеш барысында түрлі салада еселі еңбек етіп жүрген, Мемлекет басшысының жұмыс сапарындағы іс-шаралардың жоғары деңгейде өтуіне үлес қосқан және республикалық «Таза Қазақстан» экологиялық бағдарламасында белсенділік көрсеткен майталман мамандар марапатталып, құрмет төріне шығарылды. Марапаттау рәсімінен кейін ұйымдастырылған концерттік бағдарлама көрермен көңілін көтеріп, ән мен күйден шашу шашылды, мерекелік шараның мәні мен салтанаты арта түсті.

Айта кету керек, соңғы жылдары аймақ басшысының қолдауымен және тың бастамаларымен Сыр шаһары қарқынды дамып келеді. Қала бюджеті еселеп артты, тұрғындарға арналған әлеуметтік нысандар бой түзеді, жаңа тұрғын үйлер пайдалануға беріліп, халықтың баспана мәселесі шешілуде. Инфрақұрылымдық жобалардың іске асуы қаланың дамуына және тұрғындардың тұрмыс сапасының жақсаруына оң әсер етуде. Сонымен қатар, республикалық «Таза Қазақстан» экологиялық бағдарламасы бойынша Қызылорда – еліміздегі ең таза қалалардың көшін бастап, тұрғындар мен қонақтарға жайлы әрі көрікті орта қалыптастырып отыр.

Салтанатты шараның тағы бір ерекшелігі – мерекеге келген әрбір қатысушыға еңбекке деген құрмет пен ынта-жігерді сезіндіру, ел үшін жасалған еңбекті бағалауды дәріптеу болды. Марапатталған мамандардың еңбегі – жаңа буынға үлгі, қоғамдағы жауапкершілік пен азаматтық санаға тәрбиелеуші фактор. Кештің ұйымдастырылуы – қалалық деңгейде, облыстық қолдауымен және қоғам белсенділерінің қатысуымен өткізілетін шаралардың тиімділігін көрсетіп, елдік рухты нығайтуға бағытталған маңызды қадам ретінде есте қалды.

Мемлекет басшысының және аймақ басшысының қолдауымен Сыр өңіріндегі әрбір қадам – қоғам игілігіне бағытталған, бұл өз кезегінде тұрғындардың әл-ауқатын арттыруға, қала мәдениеті мен экологиялық тазалығын сақтауға, сондай-ақ еңбекқор азаматтарды дәріптеуге негіз болады. Мерекелік кештің қорытындысы – еңбек еткен мамандарға ризашылық білдіру, олардың жетістіктерін дәріптеу және қоғамдағы ынтымақ пен бірлікті нығайту болып отыр.