Заң талабы орындалуымен маңызды
401
Ai-news.kz .Арнайы құрылған жұмысшы топтың рейдтік шарасы жалғасуда. Бүгінгі аралауда жерді заңсыз иеленіп, заңсыз құрылыс жүргізген және абаттандыру қағидаларын бұзғандар анықталды. Атап айтқанда, Желтоқсан 83, Шевченко 1 «в», Ү. Түктібаев 34, Байтұрсынов 59 мекенжайы бойынша құрылыс материалдарын жол бойына түсіріп, үйден шыққан құрылыс қалдықтарын көше бетке төккендерге заң талабы түсіндірілді.
Жалпы, осындай жағдайлардың салдарынан жаяу жүргіншілер жолына кедергі келтіріліп, желмен ұшқан қоқыстар қала тазалығының тәртібін бұзуда. Аталған заң бұзушылықтар үшін әкімшілік хаттама толтырылып, айыппұл салынды.
Алдағы уақытта да мұндай өрескел заңсыздықтарға қолданылатын шаралар тоқтамайды. Тексеру барысы қатаң бақылауда тұр.
